„Ја користам оваа прилика на сите граѓани на Скопје да им го честитам големиот ден, Денот на ослободувањето на градот Скопје. Да им посакам уште многу јубилеи во слободно Скопје.
Ја користам приликата и да упатам еден апел кој што практично го спомена и претседателот на Градската организација на Сојузот на борците, а тоа е дека делото на ослободителите на Скопје е безвремено и мораме сите да се грижиме за зачувување на нивното достоинство“, рече Јани Макрадули.
Сакам да му упатам апел и на градоначалникот Коце Трајановски, согласно неговите надлежности, да ги преземе сите мерки и да најде соодветно место и просторија за борците кои што за жал со одлука на суд, а можеби и политичка одлука на власта се исфрлени од нивните простории.
Јас како кандидат за градоначалник на градот Скопје ја превземам обврската, доколку актуелниот градоначалник тоа не им го овозможи, во првите триесет дена од мандатот да им најдам достоинствен простор на борците кои што придонесоа денеска да бидеме слободни и да живееме во слобода, почитувајќи ги нивните дела и она што го направија за нас, не само во Скопје, туку и во цела Македонија.