Макпетрол Инфо Поинт: Совети за повозрасни возачи

Од:

Безбедното возење бара повеќе од познавање на сообраќајните правила и закони. Како што стареат луѓето, први на удар се физичките способности, што за возачите може да значи намалување на времето на реакција и стискање на сопирачките.

Следуваат неколку совети како повозрасните возачи да останат подолго во топ форма:

Бидете физички активни – со тоа ја подобрувате кондицијата и еластичноста на телото. Ова значи поголема агилност при возењето, побрзо движење на управувачот, следење на ретровизорите, како и други движења на телото кои ги правиме при возење и паркирање. Први сигурни знаци дека секој возач треба да ја зголеми својата физичка активност се проблеми при влегување и излегување од автомобилот.

Редовен преглед на видот и слухот – сетилата имаат тенденција да се намалуваат со годините. Намалениот слух и вид се сериозна опасност во сообраќајот. Повозрасните возачи треба редовно да одат на лекарски преглед и отворено да разговараат со своите лекари за проблемите при возењето, бидејќи најчесто здравствените проблеми полесно може да се решат кога навремено се откриени и со тоа да се намали ризикот од несакани незгоди.

Следете ги лековите – апчињата за смирување, против болка или за настинка може да влијаат на способноста за возење. Затоа е неопходно да се читаат упатствата на лековите, за да знаете што да очекувате и да може соодветно да реагирате. Доколку не сте сигурни за ефектите од лековите кои ги пиете, секогаш советувајте се со доктор.

Прифатете ги своите можности – повозрасните возачи треба да бидат свесни за намалените возачки способности што ги носат годините и да се приспособат на тоа. На пример, не возете ноќе доколку имате сериозни проблеми со светлата од другите возила, возете пократки рути или правете почести паузи.

Возете кога условите се добри – односно избегнувајте да возите во ударни термини по фреквентни делници, кога се лоши условите на патот или видливоста е намалена. Во такви денови, секогаш е подобро клучевите да ги предадете на некој помлад возач во семејството. Секако, никогаш не возете доколку сте уморни или нервозни/растревожени.

ПР Текст

Би можело да ве интересира

Инвестицискиот циклус на „Макпетрол“ АД продолжува, реновирана и модернизирана бензинската станица на влезот во градот Неготино

Азески: Бизнисот успеа да опстане, сега му треба силен инпут

Макпетрол Инфо Поинт: Германскиот автомото сојуз АДАК бара зголемување на процентот на етанол во бензинот

Одликувани новите предводници на целите за одржлив развој

Жарко Настоски

Одликувани новите предводници на целите за одржлив развој

Макпетрол Инфо Поинт: Кога е време да ги оставите клучевите и како да возите безбедно на повозрасни години