Македонскиот амбасадор во Советот на Европа Петар Поп Арсов денеска во Стразбур го достави инструментот за ратификација на Конвенцијата за спречување и борба против насилството врз жени и домашно насилство, на заменик-генералниот секретар на Совет на Европа Габриела Батаини-Драгони.
Македонија стана 29. земја-членка на Советот на Европа која што ја ратификуваше Истанбулската конвенција.
Конвенцијата отвора пат за креирање законодавни рамки на паневропско ниво за заштита на жените против сите форми на насилство и да се заштити и елиминира насилството врз жените и домашното насилство, како и судско гонење на извршителите на таков вид насилство.
Конвенцијата, исто така, воспоставува специфичен механизам за мониторинг (GREVIO), со цел да се обезбеди нејзија ефикасна имплементација, соопшти денеска Советот на Европа.
Истанбулската конвенција ќе стапи во сила во Македонија на 1 јули оваа година.