Македонски печалбари ја блокираа амбасадата во Берн – во редици чекаат за патен лист со кој би дошле дома за празниците

Од:

Стотици луѓе во редици направија метеж пред македонската амбасада во главниот град на Швајцарија, Берн. Македонските граѓани велат дека се чекало со часови.

„Катастрофа. Со часови се чекаше. Толку многу луѓе се туркаа пред влезот на Амбасадата, среде корона“, вака реагираа оние кои чекале документи пред амбасадата.

За турканиците пред македонската амбасада информира и швајцарскиот портал „20 минути“, кој пишува дека пред Амбасадата интервенирала и полицијата, откако напливот на иселениците кои масовно бараат патни листови ја блокирал работата на Амбасадата.

Како што пренесува швајцарскиот медиум од минатата сабота, патниците на Северна Македонија не се веќе дел од карантинот и може да патуваат, но сепак им се потребни документи кои ги издава Амбасадата.

Портпаролката на полицијата, Рамона Мок, по интервенцијата на терен за „20 минути“ потврдила дека имало турканици, но дека состојбата за кратко била под контрола.

„Како и досега, реагираме на сите барања и ја контролираме состојбата. Бидете сигурни дека се одржува растојанието помеѓу луѓето и сите се опремени со маски. Во моментов полицијата е во контакт со амбасадата за подобро организирање и издавање на потребните документи“, изјави портпаролката Мок за овој швајцарски медиум.

Дел од македонските печалбари во Швајцарија покренале и онлајн петиција и собира потписи за подобрување на работата на македонската амбасада во Берн.

Би можело да ве интересира

(ВИДЕО) Рамбо Амадеус излезе од болница откако прележа Ковид-19: Не се опуштајте!

Жарко Настоски

Американски дипломати во Кина анално тестирани за корона, Пекинг вели: било по грешка

Жарко Настоски

Основачите на Бионтек ќе го добијат највисокиот орден на Германија

Ана Ололовска

ЦДЦ: Во теретаните и фитнес центрите да се носат маски и при вежбање

Ана Ололовска

Во Србија се заоструваат епидемиолошките мерки, угостителите и трговските центри ќе работат до 14 часот

Ана Ололовска

Во Грција потврдена мутација од Уганда на коронавирусот

Ана Ололовска