Македонија годинава станува дел од светската кампања „1 Billion Rising“ за запирање на насилството врз жените и девојките.
Со почеток на 14-ти февруари, во 14 часот на плоштадот Македонија, организацијата „ВиДеј Македонија“ во соработка со Националната мрежа против семејно насилство и насилство врз жените ќе им се приклучат на активистите кои насекаде низ светот ќе го обележат овој ден.
Од „ВиДеј Македонија“ ги повикуваат сите мажи и жени да го изразат своето незадоволство, да побараат промена, да штрајкуват, да танцуваат и да се кренат против сите неправди кои ги трпат жените, барајќи еднаш и за секогаш да се запре насилството врз жената.