Министерот за одбрана Талат Џафери денеска се сретна со австрискиот амбасадор Томас Михаел Бајер и со досегашниот и со новопоставен одбранбено аташе на Австрија во Македонија, бригаден генерал Реинхард Шоберл и полковник Томас Ахамер.
На средбата, како што информира ресорното Министерство, станало збор за одличните билатерални односи и соработката на полето на одбраната и безбедноста меѓу двете земји, а биле разменети и искуства во областа на воздушното набљудување.
Соговорниците ја потврдиле и значајната улога на Република Австрија во поддршката за евроатлантските интеграции на Република Македонија.
Воедно се разговарало и за одржување на семинар со австриски професори на тема „Право на вооружен конфликт“, како и за продолжување на меѓусебната соработка во делот на образованието и едукацијата.