Македонец кој требало да патува во Америка бил уапсен на аеродромот во Скопје. При редовна царинска контрола во неговиот куфер биле пронајдени ретки стари монети кои македонецот сакал да ги изнесе од земјава и однесе во САД.
„На 22.07.2023 година, околу 17 часот на Меѓународниот Аеродром во Скопје на излез од државата, царинските службеници селектирале за контрола багаж на патник – македонски државјанин кој патувал за САД. Во багажот на патникот се забележани сомнителни предмети и при извршениот детален преглед, помеѓу личните работи на патникот пронајдени се стари монети со различно потекло и старост, со проценета нумизматичка вредност од 2.359.000 денари“ се вели во соопштението.
Монетите според проценката се вредни над 2 милиони денари.
Монетите се привремено задржани, а против лицето е поведена прекршочна постапка во надлежното јавно обвинителство.