Во Македонија и во Србија, од четирите држави од Јадранскиот регион, интернетот најмногу се користи за следење дневни вести, по што следат пристапувањето на социјалните мрежи и употребата на електронските пошти.
Тоа го покажуваат резултатите од истражувањето за употребата на интернетот во минатата година што го спроведе Институтот за истражување на пазарот и медиумите Медиана.
Според истражувањето, и во Хрватска и во Словенија интернетот првенствено се употребува за следење дневни вести, но на второ место е употребата на електронската пошта, а на трето место следење временска прогноза.
Кај корисниците во сите држави нема отстапување во однос на тоа каков вид медиум следат преку интернет. Во сите држави најмногу се следат интернет страниците на дневните весници, по што следат слушањето радио и гледањето телевизија.
Од четирите држави во регионот, интернет најмногу се користи во Словенија (78 проценти). Хрватска е на второ место со 67 проценти, по што следат Македонија и Србија со по 63 проценти.