Мачка главен координатор во обезбедувањето на јужната граница

Од:

Министерот за внатрешни работи Наќе Чулев заедно со амбасадорите на земјите чии полициски службеници учествуваат во заедничките операции на јужната граница денеска ги посетија граничниот премин Богородица и привремениот транзитен центар Гевгелија.

На средбата со раководството на граничниот премин Богородица министерот Чулев бил запознаен со состојбата со илегалната миграција и статистиката поврзана со криумчарењето мигранти.

Додека тие разговараа за овие состојби, една мачка, застана во средината и внимателно ги слушаше надлежните околу соработката на странските со македонските полициски службеници  ангажирани во обезбедување на границата.

Ова предизвикало смеа и кај присутните, но сепак фотографијата од мачката која личи како да ги координира полициските претставници беше испратена и официјално од страна на МВР.

Инаку, во моментов на нашата јужна граница, заклучно со 01 февруари, има 141 странски полициски службеници распоредени по полициските станици за гранични проверки и граничен надзор Богородица, Стар Дојран и Меџитлија.

„Со сигурност можам да информирам дека безбедносната ситуација на јужната граница е стабилна и се трудиме тој тренд да биде задржан и во иднина“, рече Чулев.

Во борбата со овој феномен, потенцирал Чулев, покрај нашите полициски службеници, голем придонес дале и полициски службеници од Австрија, Чешка, Словачка, Унгарија, Полска, Словенија, Хрватска и Србија, кои земаат активно учество во заедничките операции на границата, што како проект е продолжен до 31.08.2020 година, односно до операционализација на Договорот со ФРОНТЕКС, благодарение на Европската Унија и ИОМ.

Би можело да ве интересира

(ФОТО) Левица: Полициско насилство врз малолетници во Охрид – Tошковски молчи

А1он

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци

За пет часа полицијата напиша 221 казна за пешаците во Македонија

А1он

Пораст на измами за сообраќајни прекршоци, МВР апелира на внимателност