Нов урбанистички план за Куманово и поставување монтажна гаража, најави денеска на прес-конференција носителот на листата на Левица Сотир Лоловски.
Според програмата на Левица, монтажната гаража граѓаните би ја користеле наместо одбележаните паринг места на улиците и тротоарите.
– Укинување на уличното и тротоарното паркирање би озвозможило подобро движење во сообраќајот во центарот, а воедно и намалување на загадувањето на воздухот, рече Лоловски.
Тој објасни дека сега граѓаните се паркираат на тротоари и улици кои општината ги одбележува и за тоа наплаќа 35 денари за час, узурпирајќи го на овој начин јавното добро.
Во програмата на Левица, додаде Лоловски опфатени се клучни мерки за решавање на проблемот со, како што рече, неефикасното собирање отпад, проблемот со загадувањето на воздухот и сообраќајниот хаос.