Кандидатот за градоначалник на Прилеп од „Сојузот за иднината“, Хари Локвенец, на претставуњето на својата изборна програма, вети победа на овие локални избори.
„Ние ја сакаме нашата иднина сега. И затоа велиме ВРЕМЕ Е! Време е за подобар живот, време е за развој, време е за просперитет, време е Прилеп да гласа за Сојузот за иднината“, рече Локвенец.
Главна поента во неговата програма е борба со невработеноста, со мене рече, општината нема да биде арачлија. Втора поента е борбата со сиромаштијата, вети станови за социјалците, образование достапно за сите, стипендии за најдобрите спортисти, чистење на одводните канали, санирање на фасадите на училиштата.
Главни капитални проекти на кандидатот за градоначалник на Прилеп, Хари Локвенец е изградбата на 500 микроакумулации, внесување на Маркови Кули во листата на Унеско, и како најважен проект, гасификација на Прилеп.
Од утре, рече Локвенец тргнуваме од врата на врата за да зборуваме со граѓаните.
„Одиме да ја побараме нивната доверба и овие да ги изгазиме на избори“, рече пред прилепчани Хари Локвенец.