Полициски службеници од отсекот за недозволена трговија со дрога и оружје при ОВР Гевгелија денеска го лишиле од слобода С.Г (44) од селото Богородица.
При извршениот претрес, со судска наредба, во неговиот дом биле пронајдени и одземени 228 семки од растението канабис и повеќе предмети со остатоци од прашкаста материја.
Лицето е приведено во полициската станица и по целосното документирање на случајот против него ќе биде поднесена соодветна пријава по член 215 од Кривичниот законик.