Денеска полициски службеници од Единицата за насилен криминал при СВР Скопје го лишија од слобода 67-годишниот М.П. од Скопје, постапувајќи по пријава од 42-годишниот Љ.И. од Скопје, снимател во ТВ 24, дека денеска околу 14.20 часот на улица Пржино во Скопје бил физички нападнат од М.П., извести МВР.
– Веднаш по добиената пријава, од страна на полициски службеници од ЕНК при СВР Скопје преземени се мерки и активности и напаѓачот е лишен од слобода и задржан во полициска станица за понатамошна постапка. За настанот е известен Јавен обвинител од ОЈО Скопје, а по извршената консултација и добиените насоки од јавен обвинител, против М.П: ќе биде поднесена кривична пријава по брза постапка за кривично дело „Насилство“ по чл. 386 од КЗ, соопшти МВР.