Либерти Скопје: Нашето работење не е причина за загадувањето на Вардар

Од:

Либерти АД Скопје денеска соопшти дека нивното работење не е причина за овонеделните објави за загадување на реката Вардар.

– Компанијата спроведе сеопфатна ревизија на својата постројка за третман на отпадни води и може да потврди дека непрестајно работи во рамки на сите релевантни параметри, без проблеми. Исто така, прегледани се и редовните мерења кои континуирано се спроведуваат, кои и понатаму се далеку под ограничувањата утврдени во работната дозвола, се вели во соопштението

Овие мерења, како што се наведува, беа потврдени и од страна на инспекторот со извршениот инспекциски надзор.

Државниот инспекторат за животна средина вчера соопшти дека по добиена дојава за загадување на Вардар со црвена боја во близина на Бетонската база – Бетон, направиле увид на посочената локација. Со непосредниот инспекциски надзор утврдиле дека водата е со црвена боја и веднаш биле земени мостри од отпадната вода што излегува од колекторот за хемиска анализа кои се однесени во акредитирана лабораторија и е во тек нивно испитување. Оттаму информираа дека е извршен вонреден инспекциски надзор кај правниот субјект Либерти АД-Скопје, ул.„16 Македонска бригада“ б.б.

-Во момент на надзорот погонот Лужилница не беше во работен режим, односно производниот процес беше целосно сопрен. Погонот е запрен со работа на 10 јули во вечерните часови. При увид во пречистителната станица утврдено е дека во истата доаѓа отпадна вода од Погон за пластифицирање на лим и од пречистителната станица истекуваат 210 литри на час отпадна вода која е безбојна. Исто така е извршен визуелен увид и во пречистителната станица на Макстил АД-Скопје и од истата истекуваше безбојна отпадна вода од 100 кубни метри на час. Значи, од извршените увиди и кај двата погоре споменати субјекти нема забележано појава на истекување на црвена отпадна вода, соопшти вчера Државниот инспекторат за животна средина.

Би можело да ве интересира

Рекордни вредности на ЦО2 и покрај пандемијата и затворањето на општествата

Ана Ололовска

ЕК: Нема „драматично подобрување“ во аерозагадувањето во С. Македонија и регионот

Ана Ололовска

Вардар го победи Борец и се проби во горниот дел на табелата во ПМФЛ

Повеќе инспектори и зголемени казни за загадувачите – клучно во справување со загадувањето

Ана Ололовска

На иницијатива на граѓанската О2 – 39 пратеници се здружија во борба против загадувањето

Ана Ололовска

Скопје е шести најзагаден град во светот

Кристијан Ландов