ВИДЕО: Државниот инспекторат не откри кој го обои Вардар во црвено на изборниот ден

Од:

Државниот инспекторат за животна средина соопшти дека вчера извршил увид по дојава дека реката Вардар била обоена со црвена боја во источниот дел од Скопје, но инспекторите по прегледот во околните фабрики, не успеале да откријат од каде точно доаѓа загадувањето.

Вчера на социјалните мрежи се појавија фотографии од мостот во Долно Лисиче на кои може да се види како Вардар на излезот од Скопје е обоен во црвено, како и повици до надлежните да се најде сторителот на најновото загадување на нашата најголема река.

Градоначалникот на Гази Баба, Борче Георгиевски објави и снимка на која се гледа како се земаат мострите од загадените води на реката:

Еве го денешното соопштение од Државниот инспекторат:

„ДИЖС на ден 15.07.2020 година, по добиена дојава за загадување на реката Вардар со црвена боја во близина на Бетонската база – Бетон,излезе на увид на посочената локација и со непосредниот инспекциски надзор утврдена е следната фактичка состојба:

Отпадната вода од колекторот која се влива во река Вардар беше со видлива црвена боја.Поради овој факт веднаш се земени мостри од отпадната вода што излегува од колекторот за хемиска анализа. Земените мостри се однесени во акредитирана лaбoраторија и е во тек нивно испитување.

Истовремено извршен е вонреден инспекциски надзор кај правниот субјект Либерти АД-Скопје , ул.16 Македонска бригада б.б.и се утврди следната фактичка состојба.

Во момент на надзорот погонот Лужилница не  беше во работен режим, односно производниот процес беше целосно сопрен.Погонот е запрен со работа на ден 10.07.2020 година во вечерните часови.При увид во пречистителната станица  утврдено е дека во истата доаѓа отпадна вода од Погон за пластифицирање на лим, и од пречистителната станица истекуваа 210 литри/час отпадна вода која е безбојна.

Исто така, се изврши визуелен увид и во пречистителната станица на Макстил АД-Скопје, и од неа истекуваше безбојна отпадна вода со 100 м3/час. Значи, од извршените увиди и кај двата погоре споменати субјекти нема забележано појава на истекување на црвена отпадна вода,“ се вели во соопштението од ДИЖС.

Би можело да ве интересира

ИКС: Да зборуваме повеќе за животната средина во време на растечка еколошка криза

Стојковски: Несовесни граѓани во моментот се главните причинители за загадување на воздухот

Државата е еден од најголемите загадувачи: Над 700 институции користат греење со кое го трујат воздухот, најголем дел се во училишта и градинки

Орце Костов

СДСМ: Градоначалниците на ДПМНЕ не преземаат ништо против загадениот воздух во Скопје,

Катерина Ѓуровски

Шукова: Граѓаните да користат суво дрво, 45 отсто од загадувањето доаѓа од домаќинствата

Орце Костов

Воздухот енормно загаден, а пратениците одбиваат амандмани за Буџетот со кои ќе се намали аерозагадувањето

Орце Костов