Левица: Властите – слепи и неми пред екокриминалот на струшкиот брег

Од:

Продолжува уништувањето на крајбрежјето на Струга, каде што узурпацијата на државното земјиште не само што е дозволена, туку и активно се игнорира од надлежните институции. Последниот случај, каде на само 20 метри од Охридското Eзеро се гради нелегален објект, е уште еден доказ за системската корупција и неказнивоста во Република Македонија!

Граѓаните на Струга со право се загрижени и гневни поради ваквата екокатастрофа. Нивниот страв дека ќе се повтори сценариото со „Аполонија“, кога нелегално изграден објект функционира како угостителски локал, е оправдан. Тампонирањето на трската и уништувањето на природата претставува, очигледно, и флагрантно прекршување на Законот за животната средина.

Граѓанската иницијатива СОС Охрид и локалното население подолго време алармираат за ваквите незаконски активности, но нивните повици за почитување на законите и заштита на природното наследство се игнорираат.

Државниот инспекторат за животна средина, и покрај Извештајот и Кривичната пријава поднесена пред три години, не презема мерки за санкционирање на виновниците!

Левица остро го осудува незаинтересираниот и корумпиран однос на институциите и бара итни мерки за заштита на крајбрежјето на Охридското Езеро:

• Итно запирање на сите градежни активности и узурпации на државното земјиште на крајбрежјето;

• Санкционирање на одговорните лица и фирми за нелегалната градба и уништување на природата;

• Спроведување на планот за управување со природното и културното наследство во Охридскиот регион;

• Засилени инспекции и редовни контроли за спречување на идни незаконски активности.

Природното богатство на Охридското Езеро е од непроценлива вредност за Македонија и за светот! Неговото уништување е недозволиво и претставува еко-криминал кој не смее да помине неказнет!

Левица стои на страната на граѓаните и еколошките активисти и ќе продолжи да се бори за заштита на нашето природно и културно наследство, велат од партијата.

Би можело да ве интересира

Левица: Беџети бил директор на ПИОМ без согласност од Влада – дали власта го штити од одговорност?

Апасиев до граѓаните: Посочете лица кои ќе бидат јавно сослушани за аерозагадувањето

Горан Наумовски

Левица: ВРЕДИ го озаконува балансерот – ДПМНЕ и ЗНАМ соучесници во процесот на федерализација

Инспекторатот иницира стручен надзор за лекувањето на четиригодишното дете што почина во струшката болница

Катерина Ѓуровски

Левица: Владата не е медијатор помеѓу работниците и работодавачите – бараме зголемување на минималната плата

Вонреден инспекциски надзор во Струшката болница по смртта на четиригодишно дете