Левица: Валканите полицајци кои не одговараат за Кочани регрутирани во изборниот штаб на ВМРО-ДПМНЕ

Од:

До Левица пристигаат информации и докази дека ексначалникот на СВР Штип, Дејан Салтировски, и неговиот тогашен помошник и кумашин, Ванчо, коишто на кобната ноќ во Кочани биле забележани пред дискотеката „Пулс“ еден час пред трагедијата, но не презеле никаква акција, се регрутирани во изборниот штаб на ВМРО-ДПМНЕ, по директна наредба од кабинетот на премиерот Мицкоски. Лицата за кои постојат сериозни индиции дека непрофесионално и неодговорно ги обавувале функциите, а особено на критичната вечер, кога можеле да ја спречат трагедијата – наместо да се соочат со одговорност, денес се дел од партиската изборна машинерија на владејачката ВМРО-ДПМНЕ, во пресрет на локалните избори, велат од Левица.

„Потсетуваме дека пратениците од Левица поднесоа Кривична пријава против Мицкоски за Попречување на правдата, каде што Салтировски е меѓу посочените функционери коишто се спасија од истрага. Сомнежите дека Мицкоски, во дил со, до пред трагедијата критикуваниот, државниот јавен обвинител Љупчо Коцевски, успеал да испазари имунитет за вмровски кадри вклучени во случајот се продлабочуваат.

Јавно прашуваме и кој е исходот од таинствениот мито-тефтер на Дејан Јованов – Деко? Дали на него се испишани имињата на Салтировски и Ванчо и дали затоа рацијата започнала еден час подоцна од планираното, т.е. од моментот кога тие се забележани пред дискотеката на смртта?

Потсетуваме и на директните лични односи на одговорниот началник на СВР Штип за време на трагедијата, Дејан Салтировски, и министерот за внатрешни работи, Панче Тошковски. Имено, постојат информации дека за време на претходната власт, Дејан Салтировски како вработен во гранична полиција на полицајците им нудел потпишано полномошно од тогаш, адвокатот Панче Тошковски. Тошковски сѐ уште нема одговорено дали заедно со Салтировски биле дел од шема за испумпување пари од МВР преку спорови.

Салтировски, денес, и покрај фактите и тежината на сомнежите за вмешаност во корупцијата која придонесе до трагедија од светски размери – вратен е на неговата претходна позиција во граничната полиција, без да биде поведена каква било постапка и истрага. Левица нема да дозволи оваа трагедија да се претвори во уште еден заташкан случај! Ќе продолжиме со сите расположливи механизми да бараме одговорност – и за трагедијата во Кочани, и за структурниот криминал кој убива и ја разјадува државата, велат од партијата.

Би можело да ве интересира

Левица бара итна мерка од Уставниот суд против забраната за платено политичко рекламирање

Левица со Претставка против контроверзното Упатство на АВМУ

Денеска Левица поднесе претставка за Нацрт-Упатство за радиодифузерите за Локалните избори 2025

ГРОМ: Згрозени сме од одлуката на АВМУ Левица биде исклучена од покривање на трошоците за медиуми во кампањата за локалните избори

Катерина Ѓуровски

(ВИДЕО) Манасиевски: Раководството на сметководственото биро Левица во џеб ставило над два милиони денари

Манасиевски: Левичарите од Али Експрес како Реџеп Исмаил го покажаа вистинското лице, близу 300 илјади денари повлекол и тој од благајната на Левица

Катерина Ѓуровски