„Во духот на славната традиција на Крушевскaта република, a инспирирани од Крушевскиот манифест кој ги повикува Македонците и Албанците на заедништво и заедничка борба против тиранијата, Левица на 30 Септември ги повикува Албанците заедно со Македонците и сите останати етникуми, масовно да го бојкотираат референдумот!
Не дозволувајте да бидете излажани од валканата пропаганда дека овој референдум има врска со повисок стандард и влегувањето на Македонија во ЕУ. Овој референдум има една и само една цел а тоа е да ја внесе Република Македонија во НАТО, на грбот на македонскиот народ низ процесот на негово понижување, негирање и самоукинување! Да не дозволиме децата да ни гинат по светот за туѓи интереси!
Албанија е членка на НАТО од 2009 година па дали албанскиот народ е посреќен од македонскиот? Дали Албанија економски се развива, дали се градат училишта, болници, патишта, фабрики? Дали Албанците помалку се иселуваат? Не!
Исто како Македонија и Албанија економски се распаѓа! Сите ние тука тивко умираме, заедно едни покрај други, странци сме во сопствените земји!
Затоа национализмот и заблудата дека НАТО или некој друг ќе ни ја заврши работата дома треба да ги отфрлиме и да си ја земеме судбината во свои раце! Сите заедно и Албанци и Македонци! Заедно ќе ја изградиме оваа земја за сите подеднакво!
Сиромашниот Албанец не смее да биде искористен као инструмент против сиромашниот Македонец! И денес кога во Грција сеуште албанското и македонското малцинство се негирани Албанците треба да застанат со Македонците од солидарност, и да ги поддржат во борбата против оваа историска неправда! Затоа што Албанците добро знаат што е неправда!
Останете дома, не излегувајте на гласање, немојте да бидете дел од овој срамен и понижувачки процес! На 30 Септември народот на оваа земја ќе се обедини во отпорот на социјалниот инжинеринг форсиран однадвор! На 30 Септември народот ќе Бојкотира!
Албанците и Македонците заедно ќе Бојкотираат!“, се вели во повикот на Левица.