Иако се уште нема јавна информација за издадена Дозвола за градба, веќе започнува оградувањето и подготовка на просторот. Работниците им потврдија на нашите активисти дека навистина станува збор за изградба на спорниот објект и дека инвеститор е фирмата на Фатмир Етеми информираат од Левица.
– Левица веќе реагираше дека објектот доби невалидно позитивно конзерваторско одобрение за градба, откако првото беше одбиено бидејќи оваа парцела се наоѓа во заштитено подрачје на зградата-споменик, поранешна “Воена болница“.
Дополнително е спорна е и малата оддалеченост од бензинска станица, како и целото решение кое ќе доведе до урбанистички хаос во овој дел на населбата. Советот на Општина Карпош изгласа одлука за стопирање и ревизија на овој план, но градежните моќници останаа глуви на сите повици на Левица, граѓанските здруженија и жителите на Карпош, за прекин на изградбата. Градоначалникот Јакимовски, ја занемари вољата на Советот и дозволи парцелизација на земјиштето, со што ја отвори можноста за реализација на планот. Левица Карпош ќе ги искористи сите расположливи опции за да го блокира и овој обид за узурпација на урбаното живеење и самоволие на урбаната мафија, се вели во соопштението од Левица.