Советничката група на Левица во Советот на Град Скопје ја информира јавноста дека наводите објавени во дел од медиумите, според кои Буџетот на Град Скопје за 2026 година бил усвоен едногласно, не се точни.
– Советничката група на Левица не го поддржа и не го гласаше предложениот Буџет за 2026 година, поради сериозни концепциски, програмски и суштински недостатоци.
Буџетот:
не нуди суштински одговор на клучните проблеми на градот
не содржи системски мерки за подобрување на квалитетот на живот на граѓаните
oтстапува дури и од предизборната програма на градоначалникот Орце Ѓорѓиевски, со што се потврдува континуитетот на политики без јасна визија и одговорност
Поради сето наведено, Левица принципиелно одби да даде поддршка на буџет кој не претставува развоен документ, туку продолжение на постојните слабости во управувањето со Град Скопје.
Ги повикуваме медиумите да информираат точно и одговорно, а јавноста да биде свесна дека постои јасна и аргументирана опозиција на ваквиот начин на буџетирање. Буџетот на Град Скопје за 2026 година не е усвоен едногласно. За Буџетот гласаа советниците на ДПМНЕ, ЗНАМ, Вреди, ДУИ и Ристо Пенов, се вели во соопштението од Левица.