Левица: Љутков со „упатство“ поништува судски пресуди за плати во културата

Од:

Синдикатот на култура на Република Македонија денес излезе со ново соопштение во кое реагира против самоволието на министерот за култура, Зоран Љутков, за непочитување на колективните договори но и на судските пресуди. Левица остро реагира на ваквото самоволие на министерот, кој наместо да спроведе судски пресуди повторно се обидува да ги поништи правата на вработените во културата. Со т.н. „упатство“, министерот ја враќа веќе прогласената незаконска формула за пресметка на платите, иако, како што посочува СКРМ, судот јасно утврдил дека платите мора да се зголемат за 10% согласно Општиот колективен договор, велат од Левица.

– Со вакво однесување министерот директно го нарушува владеењето на правото и се поставува над судската власт, колективните договори и законите. Ова не е административен пропуст туку свесно игнорирање на судска одлука и опасен преседан со кој извршната власт си зема за право да редефинира веќе утврдени работнички права.

Левица ги поддржува ставовите и барањата на СКРМ и укажува дека платите во културата не смеат да се пресметуваат според желбите на министерот туку исклучиво согласно законот и колективните договори. Секој обид за релативизирање и непочитување на судските пресуди претставува директен удар врз правата и достоинството на вработените во културата. Левица ќе продолжи јавно и институционално да се спротивставува на ваквите злоупотреби и ќе инсистира на целосна одговорност за секое кршење на законите и колективните договори, тврдат од партијата.

Би можело да ве интересира

За закана кон Мицкоски притвор, за претепувањето на Сара не – Левица обвинува за селективност на институциите

Катерина Ѓуровски

Левица бара одговорност од полицијата, Обвинителството и судот за постапувањето во случајот со претепаната Сара од Охрид

Левица: ДПМНЕ ќе решавале големи државни прашања, а не можат ни со кравите и Стојна да се справат

А1он

Левица: Ден Дончев ја разобличува „борбата против криминалот“ на ДПМНЕ

Левица: “Транспарентност“ по вмровски рецепт – ДПМНЕ предлага да платиш за да видиш кој го добил тендерот, итно да се повлече предлог-законот

(ВИДЕО) Крмов: Гаши ги ускрати пратеничките прашања на опозицијата со произволно толкување на Деловникот