Левица бара извинување од Амбасадорката на САД за честитката до Џафери

Од:

Поттикнати од честитката на Агелер упатена кон техничкиот премиер Талат Џафери, партијата Левица побара извинување поради јазикот на кој истата честитка беше напишана.

Соопштението го пренесуваме во целост во продолжение:

Поради отсуство на државничка одговорност и национална свест, како и очигледниот вазалски менталитет на државниот врв на Република Македонија, Левица испрати Отворено писмо до Амбасадорката на САД – Анџела Прајс Агелер, во кое бара извинување поради стимулација на јазична федерализација на Македонија!

Имено, на 31 јануари 2023 година, од страна на Амбасадорката испратена е честитка на албански јазик до техничкиот претседател на Влада, амнестираниот воен злосторник, Талат Џафери. Иако испраќањето честитка претставува симболичен гест, сепак, беше погазен Уставот на Република Македонија (член 7).

Дополнително, со овој чин беше прекршена и Виенската конвенција за дипломатски односи од 1961 година, која ги обврзува дипломатите да ги почитуваат законите и прописите на земјата во која се назначени за дипломатски претставници.

Сметаме дека овој потег на амбасадорката е спротивен на стратешките интереси на Македонија, подгрева меѓуетничка тензија, претставува отворена поддршка на трибалистичките политики на етнички профилирана политичка партија и поттикнува јазична федерализација, која го загрозува суверенитетот и унитарноста на Републиката.

Би можело да ве интересира

(ВИДЕО) Мециновиќ: Во оваа Влада се содржани сите расипани елементи од претходните влади

Горан Наумовски

Мециновиќ до ДПМНЕ и ЗНАМ: Вие сте партии на олигархијата како и СДС

Левица: Ромите континуирано се најдискриминираната етничка група

Левица: Нови задолжувања, буџетскиот дефицит расте, јавниот долг сè потешко се сервисира

Левица: Нема крај на партиските вработувања – ДПМНЕ изгласа дополнителни 10 вработувања во Општината поради 2 пензионирања

Левица: Две години од Францускиот предлог – Остануваме единствени против бугаризацијата на Македонија