Левица: „Стив Наумов“ веќе се распаѓа со водени ѕидови, расипано парно, пукнати цевки и мизерна храна

Од:

Левица обвинува дека студентскиот дом „Стив Наумов“ се соочува со сериозни проблеми неполн месец по вселувањето на студентите, и покрај тоа што за неговата реконструкција беа издвоени околу 10 милиони евра.

Од партијата велат дека на фотографии објавени во јавноста се гледа како вода протекува низ ѕидовите по дожд, а до нив пристигнуваат и информации за проблеми со греењето, водоснабдувањето, електричната енергија и интернетот.

„Дополнително, до Левица пристигнуваат информации дека во домот нема парно, од чешмите на студентите им тече кал, дел од домот на периоди останува без струја, интернетот е слаб, а веќе пукнале и цевки. Проблемите не завршуваат со инфраструктурата – студентите се жалат и на мизерната исхрана“, се наведува во соопштението.

Од партијата посочуваат дека реконструкцијата траела повеќе од две години, а проектот со месеци бил претставуван од министерката за образование и наука Весна Јаневска како успех на Владата и гаранција за подобар студентски стандард.

„Милиони евра јавни пари, години реконструкција и дом кој неполн месец по вселувањето се соочува со вода, дефекти, проблеми со греењето, струјата и водата за пиење“, наведуваат од Левица.

Партијата оценува дека студентите се маргинализирани и дека условите за живот и студирање, ниските студентски примања и растечките трошоци се меѓу причините поради кои младите ја напуштаат државата.

Левица бара итно санирање на сите проблеми во „Стив Наумов“, како и утврдување одговорност за квалитетот на реконструкцијата, спроведениот надзор и начинот на кој се потрошени јавните средства.

Би можело да ве интересира

За закана кон Мицкоски притвор, за претепувањето на Сара не – Левица обвинува за селективност на институциите

Катерина Ѓуровски

Левица бара одговорност од полицијата, Обвинителството и судот за постапувањето во случајот со претепаната Сара од Охрид

Левица: ДПМНЕ ќе решавале големи државни прашања, а не можат ни со кравите и Стојна да се справат

А1он

Левица: Ден Дончев ја разобличува „борбата против криминалот“ на ДПМНЕ

Левица: “Транспарентност“ по вмровски рецепт – ДПМНЕ предлага да платиш за да видиш кој го добил тендерот, итно да се повлече предлог-законот

(ВИДЕО) Крмов: Гаши ги ускрати пратеничките прашања на опозицијата со произволно толкување на Деловникот