Левица: 100 Дена нова влада стара политика – ДПМНЕ ја продолжува праксата на СДС

Од:

Бришење на името Македонија и секој негов писмен траг, прифаќање на Преспанскиот договор, национални понижувања и дипломатски скандали, злоупотреба на службената положба и зголемување на бројот на министерствата, воведување нови директори и најавување на енормни задолжувања, се дел од „успесите“ кои ги донесе новата Влада, во првите сто дена владеење, соопштуваат од Левица.

Десничарската коалиција на ДПМНЕ, ЗНАМ и ВРЕДИ создаде една од најобемните Влади до сега, под ветување дека ќе се намали бројот на агенции и директорски места, но тоа не се случи. Наместо ова, монструозниот државен апарат што се создава, е слуга исклучително на коалициските апетити за полнење на џеповите на функционерите од Власта.

Со обезбедено мнозинство ја одбија понудата за претседател на Собранието и бланко поддршката од #Левица, а подоцна ја одбија и интерпелацијата и го устоличија Африм Гаши, којшто во низа скандали ја погази државата и злоупотреби неговите ингеренции.

Додека наставниците се оставени на минимална плата, за трет албански универзитет се одвоени над 34 милиони евра. Коалицискиот партнер на Мицкоски најави паралелна албанска академија, додека на оваа иредентистичка политика и претходеа изјави на премиерот за дестабилизација на државата. Од друга страна, по договор на коалицијата Законот за бранителите останува заглавен.

Надворешната политика ниту сантиметар не се разликува од она што го правеја СДС и ДУИ. Најавите за раскинување на штетните договори не постојат повеќе, а политиката на подреденост кон националистичките политики на нашите соседи продолжува. Напредок кон ЕУ по ниту еден параметар нема, додека спроведувањето на договорите обврзувачки кон Македонија не прекинува.

Кумулативно погледнато, државата останува во владеење на малкумина, клиентелизмот и коруптивноста остануваат најголеми општествени проблеми кои го гушат државниот апарат, додека политиката е целосно насочено кон интересите на богатите, кои не можат да ја дочекат распределбата на најавената милијарда задолжување, додека работничката класа, останува таа која на свои плеќи го носи товарот на лошо управуваниот систем, велат од Левица.

Би можело да ве интересира

Мециновиќ: Имаме јасен избор – статус кво или промена која сите заедно ќе ја изградиме

А1он

ВМРО-ДПМНЕ: Освоивме 550 советнички места, повеќе за 82 од минатите локални избори, а СДС освои само 230 советника, што е помалку за 166

Мојсоска: 3.000 гласа вредни како 30.000 – можеби нашата борба е тешка, но е праведна

А1он

(ВИДЕО) Богевски: Мециновиќ влегува во вториот круг, исклучително сме задоволни од резултатите

Горан Наумовски

(ВИДЕО) Димитријевиќ: СДСМ води и очекува победа во: Центар, Крива Паланка, Пробиштип, Чучер Сандево, Кривогаштани, Богданци

Горан Наумовски

Муцунски: Очекуваме голема победа, поголема од таа на локалните избори во 2021 година

Горан Наумовски