Во организација на Црвениот крст на општина Виница од денеска па во наредните три дена ќе се реализира летен камп, во рамки на програмата за промоција на хуманите вредности на Црвениот крст.
Во селото Лаки, Виничко, 70-тина волонтери на Црвен крст три дена ќе се дружат, но и ќе се едуцираат.
-На кампот учествуваат 70 волонтери на Црвениот крст од Виница, Струмица, Радовиш, Штип, Свети Николе, Пробиштип, Кочани, Велес, Битола и Крива Паланка. Во природниот амбиент на селото Лаки учесниците на кампот ке ги проследат активностите кои се предвидени со програмата за оваа намена, изјави Кирил Цоневски, секретар на Црвен крст од Виница.
Михајло Манасиев, координатор на ПХВ на Црвен крст од Виница истакна дека идејата е борбата против зависности, а учесниците на кампот ќе можат да проследат актуелни предавања, да имаат имаат соодветна едукација.
– За 29 јули е предвидено да се одржи државен камп со учество на сите општински организации на Црвен краст од Макеоднија, изјави Манасиев.
Волонтерите на Црвен крст ги посети и градоначлникот на Виница Емил Дончев кој им посака добредојде и успешна работа и едукација на учесниците.
Инаку волонтерите на Црвен крст Виница се активни во текот на целата година, а со проектите за промоција на хуманите вредности во изминатите месеци ја вратија насмевката на неколку семејства од социјален ризик во општина Виница.