Лекарите денеска очекуваат да ги продолжат преговорите со министерот за здравство, Никола Тодоров. Во спротивно, остануваат на ставот дека ќе продолжат да штрајкуваат.
И покрај судската забрана, во получасовната пауза, излегоа на протест, за да го изразат своето незадоволство од новиот систем за плаќање по учинок, кој што предвидува наградување и казнување на лекарите, во зависност од тоа што сработиле во текот на денот, бројот на пациентите, интервенциите и операциите или прегледите.
Според проценките на Самостојниот синдикат на Клиничкиот центар, речиси сите лекари излегле да го изразат своето незадоволство.