Докторите на Клинички го продолжуваат штрајкот што го почнаа вчера, велат од самостојниот синдикат.
„Не е точно дека нема штрајк. Штрајкуваат околу 1.400 доктори од кои околу 650 специјалисти во Клиничкиот центар во Скопје, 62 во Куманово, 60-тина во Струмица, 40 во Штип, во Битола над 100, Тетово над 100, во Гевгелија 20-тина и Кочани 27. Секаде е застапеноста над 95 проценти`, рече претседателот Дејан Ставриќ.
Во Клинчки се примаат само итните пациенти. На Хирургија, како што посочија, дневно се прават од 60 до 70 операции, а денеска само 15.
Според Ставриќ самостојниот синдикат, брои 6.000 членови и бидејќи сите доктори што штрајкуваат се членови на нивниот синдикат тие треба да го имаат мандатот за преговори.
Право да штрајкува има секој синдикат, вели претседателот и најави дека и утре ќе излезат за време на паузата.