СДСМ покажа дека нема план, нема визија и не знае како. Знаат само криминал, рекет и насилие. Вчера СДСМ како кандидати за градоначалници извади стари и истрошени кадри за спас на криминалот. Нема нови лица, нема изненадувања. СДСМ влегува во фаза каде им е јасно дека ќе загубат. И никој сериозен не им се нафаќа да биде кандидат рече на прес конференција пратеникот од ВМРО-ДПМНЕ, Миле Лефков.
„СДСМ вчера за втор мандат го предложи најнеспособниот градоначалник кој Скопје некогаш го имало, СДСМ оди со Петре Шилегов кој изминативе четири години покажа само лаги, кич и парадерство, тој нема ништо направено. Заев во Кисела Вода го предлага Филип Темелковски, кој тргна во насилна бетонизација на населбата Расадник, а во исто време една уличка, тротоар или канализациска линија нема направено. Заев како кандидат за Лозово го предлага Ацо Велковски, кој цела држава го виде како врши мобинг и дискриминација, но и го виде како зема плата како градоначалник, а половина година ја поминува во Германија“ – вели Лефков.