Малиот Зоки, Филиче, исто како Заев дојде на функција за да се аболира за криминалите, а во негово време луѓе собираа пари за лечење преку СМС рече на прес конференција пратеникот на ВМРО-ДПМНЕ Миле Лефков.
– Македонија е можеби единствена држава во Европа каде собирање на пари за лечење се прави преку СМС пораки, тоа е работа која Филипче можеше, а не ја корегираше. Десетина милионски матни тендери, 14 живи изгорени луѓе во Модуларната болница во Тетово, руинирано здравство, изнемоштени пациенти од лавиринтите создадени од власта, тоа се е епилогот од владеењето на Филипче, малиот Зоки и Заев. Филипче поучен од Заев мисли дека и тој по истиот пример ќе се извлече и ќе може да обвинува за политички притисоци во моментот кога ќе се соочи со одговорност. Филипче имаше шанса и не направи ништо во здравствениот систем, донесе само криминал и корупција, вели Лефков.