ЛДП – Велес на својата фејсбук страница објавија фотомонтажа каде министерката за внатрешни работи, Гордана Јанкулоска, држи моторна пила во раката, која е насловена „Масакр во Центар со моторни пили“, со назнака дека се темели на вистинска приказна.
Веројатно инспирацијата за ова тие пронашле во фотомонтажата што Јанкулоска ја објави во саботата на својот фејбук профил, на која новиот градоначалник на Центар, Андреј Жерновски, вози багер.
Жерновски тогаш експресно и одговори дека сака духовити министри, но и изрази разочарување оти на членовите од кабинетот на премиерот Никола Груевски на своите ФБ профили не им текнало да одговорат кој ги издаде личните карти на „гласачите“ од Пустец, бидејќи, „согласно уставот и законите, за тоа се одговара“.
