Либерaлно Демократската Партија на Македонија изразува силно сочувство до семејството и граѓаните на Руската Федерација за свирепото убиство на опозицискиот лидер Борис Немцов. Либерал по убедување, Немцов беше храбар бранител на демократијата и жесток борец против корупцијата во својата земја.
Русија загуби силен и храбар политичар на демократијата, гласен критичар на власта. Изразуваме надеж дека креаторите и извршителите на овој кукавички чин ќе бидат откриени и казнети.
Убиството на Немцов покажува колку е тешка ситуацијата во која се наоѓаат борците за демократија во Русија, но во истовреме треба да биде порака до сите нас овде во Македонија дека не треба да скршнуваме од патот по кој сме тргнале, да ја воведеме Македонија во европското семејство и НАТО. Да им ги гарантираме на граѓаните слобода на говорот и личното определување.