„Либерално-демократската партија прва повика на одлагање на изборите поради несериозниот пристап на партиите на власт кон имплементацијата на Договорот од Пржино.
Договорот не е мртов, но она што може да се заклучи од моменталната ситуација во државата е дека неизбежно е одложување на изборите.
Затоа, ги повикуваме четирите партии, потписнички на договорот, што поскоро да седнат на преговарачката маса и да ги решат преостанатите отворени прашања, медиумите и изборниот процес.
Ниту една од четирите партии не смее да си дозволи да го минира Договорот од Пржино и да го доведе во прашање новиот термин, кога најрано би можеле да се одржат вонредните парламентарни избори, на почетокот на јуни годинава“, се вели во соопштението на ЛДП.
