Македонија има најскапи станбени кредити односно со рекордно висока каматна стапка од 9,7 %, за разлика од нас каматната стапка во Србија е 8,3 %, во Хрватска 7,2%. Во Германија каде животниот стандард е неспоредливо повисок отколку кај нас каматната стапка за станбените кредити е 3,9 %, велат од ЛДП.
„За жал помпезно најавуваниот владин проект “Купи куќа, купи стан” доживеа целосно фијаско. Овој проект место на сите млади брачни парови да им овозможи полесно да обезбедат стан, таква можност им дава само на оние со подлабок џеб, кои и без Владата можат да го решат сопственото станбено прашање. Покрај илјадниците евра во џеб, потребен е и имот кој треба да биде ставен под хипотека како гаранција. За рекламирање на проектот “Купи куќа, купи стан” , Владата потроши 300.000 евра, пари од граѓаните ,а за субвенционирање на проектот доделила, според нејзиното кажување, 272 000 евра, ова право го искористиле многу мал граѓани далеку зад очекувањата и проекциите на Владата“, рече на прес конференција Дејан Блажески.
Ова , рече Блажески, е уште еден популистички проект на Владата од кој најмногу профитираат фирмите блиски до неа кои се бават со изградба и продажба на станови, па дури и банките.
ЛДП ја повикува владата доколку вистински е загрижена за младите брачни парови и за младите воопшто, да престане со безмилосно трошење на народните пари за непродуктивни трошоци и веднаш да донесе стратегија со која ќе се отворат реални вработувања на младите луѓе со што ке се запре нивното масовно иселување.
nbsp;