ЛДП е уште позагрижена по реакцијата и наводниот демант на ВМРО-ДПМНЕ на денешното соопштение. Ако премиерот Никола Груевски е навистина веќе два дена во Македонија, како што тврди неговата партија, зошто тогаш се’ уште се крие и не се појави да ги смири тензиите и алармантаната состојба по улиците на Скопје и другите градови?
Вака, денешниот општ коментар за протестите, и неговото прво појавување по роуд-шоуто, на отварање на скејт парк на кејот на Вардар, покажува колку навистина се грижи за државата.
И, на крајот, во соопштението на ВМРО-ДПМНЕ има се’ освен одговорите на прашањата кои ЛДП му ги постави, а кои јавноста со нетрпение ги очекува: како ќе се справи со протестите, особено што нови протести се најавени за петок, а за кои предупреди меѓународната заедница и соседните држави.
Во овој случај, најсериозно се поставува прашањето, не само зошто премиерот е далеку од Македонија секогаш кога е потребно да биде во државата, туку има ли Македонија премиер?
