ЛДП реагира на извештајот на Институтот за економија и мир, според кој, мирот во Македонија падна за уште 6 места во однос на минатата година, и сега според Глобалниот индекс за мир, се наоѓаме на 87. место меѓу 162 земји. Од нас, подобро се рангирани сите држави во регионот. Словенците се на 14. место, а пред нас се и Хрватска (26), Србија (52), БиХ (61), Косово (64), Албанија (65).
Еве што стои во соопштението на ЛДП:
Според податоците на Меѓународниот институт за стратешки истражувања, Светска банка и агенциите на ОН, перцепцијата на криминалот во Македонија е оценета со 3 од 1 до 5, при што 1 е најниско, а 5 највисока оценка. Пристапот до оружје е оценет со 4, присуство на насилни демонстрации со 3, политичка нестабилност со 2,8, политички терор со 2. Изборниот процес е оценет со 7,8 од 0 до 10 при што 10 е највисока оценка со која се оценува неслободата при гласање и немањето избор при гласањето. Според овој извештај, невработеноста е 31 отсто.
Од ова произлегува дека власта намерно подгрева политички и етнички инциденти за да го одвлече вниманието на јавноста од социјалната и економска криза.
Станува сосема јасно зошто вистинските инвеститори, ја заобиколуваат Тие сакаат стабилна клима и сигурност за нивните пари, а не страв од политичка, етничка и вооружена нестабилност.. Македонија е „инвестициски“ рај само за типови како Субрата Рој, глумецот-млекар и оној тексашанец со чиј шешир, премиерот гордо се сликаше. Дел од нив се во притвор, а другите по нарачаната претстава во Македонија за маркетиншки цели, исчезнаа.
Премиере, за сериозни инвеститори, треба сигурност и стабилност, што значи, сериозна Влада! ЛДП апелира до Владата и премиерот сериозно да ги сватат овие загрижувачки бројки и показатели, да престанат со погубните политики кои ја водат државата во должничко ропство и дестабилизиација.