ЛДП повторно ја активира идејата „Викенд без ДДВ“

Од:

ЛДП повторно ја активира идејата за враќање на мерката Викенд без ДДВ, како мерка која можe да ја покренe економијата и да даде значителен инпут во подобрувањето на македонската економија.

„Потсетуваме, Викенд без ДДВ е предлог на ЛДП вметнат во партиската програма уште во 2012-та година и беше мерка од претходната влада која додека беше активна, покажа добри резултати. Предлагаме новиот Викенд без ДДВ да има две варијанти. Првата – да се воведе на ниво на целата држава и втората, да се воведе во одделни градови за определени денови, значајни за конкретниот град (викенди, пазарни денови, локални празници итн)“, изјавува Љубен Аврамовски, портпарол на ЛДП и потпретседател на Либерално-демократската младина (ЛиДеМ).

ЛДП бара мерката Викенд без ДДВ да се воведе пред почетокот на школската година, но и пред Велигден, на цела територија на државата.

„Со повторното воведување на оваа мерка граѓаните добиваат поевтини цени, трговците добиваат поголем викенд промет, производите ќе бидат поевтини од 5 до 18 %, а целата економија се освежува и добива нов импулс. Намалените државни приходи ќе бидат незначителни во споредба со ефектот кој ќе се постигне од зголемената потрошувачка и кој неколкукратно ќе биде надоместен“, посочува Аврамовски.

Аврамовски предлага одредени градови за одредени празници, за време на кои имаат голема посетеност и голем број на туристи однадвор, треба да воведат вакви викенди со цел да се зголеми туристичката понуда и да се привлечат поголем број на гости.

„На пример, Охрид би го добил својот викенд за време на Водици, Берово за време на Богородица, Прилеп за Пиво фест-от, Велес за пастрмајлијадата, Струмица за време на карневалот и така натаму“, вели Аврамовски и упатува апел до сите за отворена дебата за оваа предлог мерка и нејзината имплементација.

Аврамовски додава дека во ЛДП се убедени во корисноста на мерката и веруваат дека ефектот кој ќе го има значително ќе се одрази како на целокупната, така и на локалните градски економии.

Би можело да ве интересира

Зајкова: Среќен и благословен Бајрам – исполнет со мир, хармонија и заедништво

Предраг Петровиќ

Јанкоски: ЛДП бара итна и темелна истрага за нападот на вработената во социјалното во Прилеп

Зајкова: Сеопфатен ветинг за државната служба и избраните и именувани лица од 1991 година до денеска

Предраг Петровиќ

ЛДП: Строги контроли не само во локалите, туку и во детските градинки, училиштата и други големи објекти

Аврамоска-Ѓореска: Не е само 8 март ден на жените

Горан Наумовски

(ВИДЕО) Зајкова: Осми март е симбол на борбата за праведност, еднаквост и безбедност на секоја жена

Горан Наумовски