Либерално–демократската партија (ЛДП) порача дека е згрозена „од денешниот срамен чин за македонската демократија, кога вицепремиерот Владимир Пешевски дигна рака врз слободата на новинарството“.
Опозициската партија бара политичка и кривична одговорност од вицепремиерот.
„Физичкиот напад на Пешевски врз новинарот Саше Ивановски мора да се казни со политичка и кривична одговорност, како опомена за сите оние кои ќе се обидат да посегнат врз слободата на медиумите и ќе се обидат да попречуваат новинари во извршување на нивните работни задачи.
Ваквото малограѓанско, некултурно и недемократско однесување на Пешевски покажува дека тој не бил само „deal oriented“, како што милува да го нарече Груевски, туку и „aggressive oriented“.
ЛДП добронамерно апелира до владата во заминување, да им обезбеди услови на работа на медиумските работници и неистомислениците и да не ја дискредитира нивната работа“, стои во соопштението од ЛДП.