„Криминалите на градонадочалникот Владимир Талески и неговата десна рака, секретарот на Општината, Слободан Бончановски немаат крај.
По истрагите на Специјалното јавно обвинителство и битолската полиција покрена истрага, со што само се потврдува дека Општина Битола е легло на криминалот, каде главните актери Талески и Бончановски манифестирајќи самоволие ја злоупотребиле својата положба и нанеле штета на буџетот на Општина.
Последната кривична пријава за првиот човек за финансии во Општина Битола, е само капка во морето на криминали , што оваа власт беспоштедно ги практикуваше во последните 12 години.
Либерално-демократската партија од Битола, јавно прашува, што треба уште да случи во Општина Битола, за градоначалникот Талески и секретарот Бончановски да си поднесат оставка.
Во истовреме, го повикуваме ОК на ВМРО-ДПМНЕ од Битола, јасно пред битолчани да се произнесе за криминалот во Општината Битола и за низата истраги и кривични пријави против Талески и Бончановски“, се вели во соопштението на ЛДП Битола.