ЛДП и опозицијата денес ќе дадат еден совет и ќе испратат неколку барања до аболицираното лице Владимир Талески и ВМРО-ДПМНЕ, рече советникот во Општина Битола од ЛДП, Александар Касапов.
„ЛДП и опозицијата бараат:
- Талески да си поднеси оставка со цел да се релексира состојбата во Битола, но и да не влијае од позиција на градоначалник на новите постапки кои СЈО ги најави против него и
- Вмро – Дпмне да му се извини на битолчани што го кандидираа и го подржуваат Талески 11 години и истовремено да застанат на страната на битолчани, се разбира доколку и тие како партија не се соучесници во аболицираниот криминал од 360 000 евра, и да го подддржат барањето на битолчани за оставка на Талески.
За крај сакаме да му дадаме и еден совет на аболицираното лице Талески. Да не биди нервозен како што беше на последните два негови пресови затоа што ако се однесува така и во иднина и плус ако во предвид се земи и неговата изјава дека размислува да побара и четврти мандат од битолчани, тогаш со него ќе треба да се занимава не само Специјалното Јавно Обвинителство, туку и некоја друга специјална институција, а таму аболиција не помага“, изјави советникот во Општина Битола од ЛДП, Александар Касапов.
