Кандидатот за Градоначалник на Општина Центар од редовите на Движење ЗНАМ за Наша Македонија, Мирослав Лабудовиќ, денеска присуствуваше на свеченото осветување на храмот „Св. Константин и Елена“ во Центар.
Настанот беше обединувачки момент за голем број граѓани и верници во заедничко одбележување на ова значајно културно и духовно обележје и претставува мотив и поттик Центар да биде општина што ќе негува традиција, ќе ги зачувува вредностите и ќе гради вистинско заедништво.
„Како иден градоначалник, јас ќе бидам гарант дека Центар ќе продолжи да го почитува своето наследство, култура и верските чувства на граѓаните. Нашата обврска е да градиме современа општина, но со почит кон корените и идентитетот кои не прават силни и обединети.“ – истакна Лабудовиќ.
Храмот “Св. Елена и Константин“ не е само ново светилиште, тој е место каде што се среќаваат верата, традицијата и заедништвото, симбол на сила, надеж и инспирација за сите граѓани на Центар.
Центар, рече Лабудовиќ, ќе биде општина што ќе ја негува традицијата, ќе го вреднува културното наследство и секогаш ќе ги почитува своите граѓани, затоа што само на тој начин може да се гради заедништво меѓу нив и стабилна и просперитетна иднина.