(ВИДЕО) Кузмановска: СДСМ да не се меша во домаќинлукот, во куќата на ВМРО-ДПМНЕ

Од:

Скандал на Комисијата за труд и социјална политика на која се дебатира по амандманот на опозицијата, зголемувањето на пензиите за 550 денари да важи не од март месец, како што предлага владата туку од први јануари.

Во жарот на убедување, пратеничката Бети Кузмановска од ВМРО-ДПМНЕ, изнесе податоци дека од 2006-та досега пензиите се зголемени за 38%. Според Кузмановска пензиите се зголемуваат само кога ВМРО-ДПМНЕ е на власт.

„Оставете ја оваа влада да си работи. Не може да се вклучувате во домаќинлукот во туѓа куќа. Ова е наша куќа, ние имаме мандат и ние ќе си ја спроведуваме нашата политка. Вие немате неделно туку дневно политиканство, рече пратеничката Кузмановска, претходно позната по изјавата дека е горд послушник на Груевски и чиј сопруг беше осомничен за аферата „Детонатор“.

Билјана Казанџиска и препорача да оди да се истушира за да се олади.

За Цветанка Иванова е несфатлива изјавата на Кузмановска дека Македонија била куќа само на ДПМНЕ.

„Македонија не е само на ВМРО-ДПМНЕ, Македонија е на сите граѓани“, реплицираше Иванова.

Весна Бендевска, праша за какво лицемерие говори ВМРО-ДПМНЕ. Им покажа документ и дел од Манифестот на ВМРО-ДПМНЕ за изборите во 2011-та, каде што стои дека ДПМНЕ ветува дека пензиите ќе ги зголеми за 5% од 1. јануари 2013-та година, а ова рече Бендевска, СДСМ го бара со амандман.

Го потсети министот Ристовски, дека во интервју дадено на почетокот на септември 2012-та, ветил дека од први јануари пензиите ќе бидат зголемени за 5%. Истиот министер на 24. септември изјавил дека од февруари 2013-та пензиите ќе бидат поголеми за 7%.

„Кој е Спиро Ристовски? Овој што ветуваше во изјави и интервјуа или овој што сега седи во Комисијата и бара зголемување на пензиите, не од први јануари туку од први март“, праша Бендевска.

Би можело да ве интересира

Нов парламентарен состав до 28 мај

Катерина Ѓуровски

Велковски: Со пензија под минималната и потрошувачка кошничка од 57.000 денари пензионерите едвај преживуваат

Горан Наумовски

Последната седница на овој парламентарен состав ќе се одржи до крајот на месецов

Не е донесен Законот за игри на среќа, постапката заврши

Катерина Ѓуровски

СДСМ предлага отворање медицински факултет во Битола, ВМРО-ДПМНЕ смета дека нема услови

Џафери: Закажани се избори, не може да се потпишат колективни договори, протестите на универзитетите се за дневни политики