Признанијата на вина пред судовите на функционери од врхушката на ВМРО-ДПМНЕ се недвосмилена потврда како оваа партија ја злоупотребила власта и дејствувала како злосторничко здружение. Проговорија како биле искористени сите начини, средства, како биле злоупотребени институцииите, не за да им се помогне на граѓаните, не за да се решат проблемите, само и само од коруптивни причини, за лично богатење рече на прес конференција портпаролкат на СДСМ Богданка Кузеска.
– Министерот за транспорт и врски од ВМРО-ДПМНЕ, Миле Јанакиевски пред судот призна дека криминална била набавката на 200 кинески автобуси во Скопје, случај во кој се злоупотребени 5 милиони евра. Мотивот бил коруптивен и ништо друго. Пред неколку дена, имаше уште едно признание за вина во случајот Титаник од страна на Гордана Јанкуловска, поранешен генерален секретар на ВМРО-ДПМНЕ и Мартин Протуѓер, шеф на кабинет на Груевски и исто така генерален секретар. Со години била газена волјата на граѓаните и нивното изборно право, уценувале, местеле, злоупотребувале. Тројца генерални секетари на ВМРО-ДПМНЕ се вмешани во овој случај. Високата функционерка на ВМРО ДПМНЕ Елизабета Чингаровски исто така призна вина за незаконското финансирање на партијата, случај познат како Талир. Христијан Мицкоски треба да се огради, да побара одговорност од сите и да поднесе оставка, вели Кузеска.