Кузеска: Груевски мора да одговара пред законот

Од:

СДСМ обвини дека поранешниот премиер Никола Груевски, кој е во бегство, повторно се обидува да влијае врз институциите, реагирајќи од Унгарија за тоа што треба да биде предмет на истрага.

Портпаролката на партијата, Богданка Кузеска, на прес-конференција изјави дека сличен однос има и лидерот на ВМРО-ДПМНЕ, Христијан Мицкоски, кој, според неа, преку јавни настапи врши притисок врз институциите.

„Вистината е едноставна: секој што сторил криминал мора да одговара пред правдата“, рече Кузеска.

Од СДСМ посочуваат дека практиките од времето на владеењето на Груевски – корупција, злоупотреба на тендери и, како што велат, нарушување на институциите – оставиле долгорочни последици врз државата.

Во однос на актуелната власт, партијата обвини за, како што велат, партизација на судството, обвинителството и полицијата.

Кузеска истакна дека Македонија мора да продолжи по европскиот пат, со засилена борба против криминалот и корупцијата.

Од СДСМ порачаа дека одговорност ќе има за сите кои го прекршиле законот.

Би можело да ве интересира

(ВИДЕО) Рама: Македонија со право се сомнева дека ќе има ново вето и по внесувањето на Бугарите во Уставот, но мора да го исполни условот

(ВИДЕО) Рама: Случајот „Монструм“ треба да го решаваат институциите во Македонија, нема да се мешаме во внатрешните работи

Катерина Ѓуровски

Мицкоски: „One Stop Shop“ системот ќе ги доближи Македонија и Албанија

Катерина Ѓуровски

Филипче: Мицкоски да одговори зошто со законски измени се брише одредбата за уплата на 6% во вториот столб?

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%

СДСМ: Крпен живот, кошничката се доближи до 71.000 денари – само за храна се потребни 26.000 денари