Кузеска: 100 дена Влада а 300 скандали, најмногу во МВР

Од:

Оваа Влада е влада која има продуцирано најмногу скандали за првите 100 дена од било која Влада во македонската историја.

100 дена Влада на Мицкоски а 300 скандали, најмногу од нив поврзани со работата на МВР и министерот Тошковски.

Мицкоски и ВМРО-ДПМНЕ ветуваа ред и поредок, но фактичката состојба е тотално спротивна: скандали, неказнивост и брутална партизација на МВР.

Одиме по ред.

Се случи безбедносен скандал на скопскиот аеродром, каде пиштолџијата на Гаши се закануваше со пиштол и нападна полицаец.

МВР најпрво се обиде да го заташка случајот и да го штити коалицискиот партнер, но под притисок на јавноста тоа не беше можно.

Се случи скандал и со организирано пуштање на слобода на Блерим Рамадани, баран со меѓународна потерница. Досега никој нема преземено одговорност за овој скандал. Нема одговорност ниту од Тошковски.

Понатаму, имаше серија скандали на северната граница со Косово.

Коалициониот партнер на ДПМНЕ, Гаши со неговите сватови, ја поминаа границата со приватни возила и без никаква контрола.

Мицкоски тврдеше дека тоа се ноторни лаги, со смешни аргументи се бранеа виновниците, но затоа беа казнети луѓето кои чесно си ја извршуваат работата. Одговорност од Тошковски нема.
Скандалите продолжија како на лента. Речиси и да немаше ден, недела, кога не се случи некој скандал.

Бодигардот на Мицкоски кој тепаше полицаец пред угостителски објект во Скопје Тошковски целосно го ослободи од одговорност. Политичкиот дил ги засени законите и прописите. Капак на се уште и командир на Тигрите ќе го прават.

Командирот на полициската станица во Ропотово кој пукаше со калшников, беше суспендиран и со кривична пријава, Тошковски го врати повторно да биде команди во Ропотово.
Ковачки го нема сега да држи прес конференција и да бара одговорност. Мицкоски се прави на Тошо.

Изгоре 10% од територија на државата само поради неспособноста на МВР и надлежните институции. Одговорност нема.

Не се расчисти ниту скандалот со генералниот секретар на Владата, кој случајно доби поклон од 325.000 евра во зграда со министерот Тошковски.

Скандалот со министерката Божиновска чија фирма должела 1 милион евра на МЕПСО остана исто така нерасчистен.

Почитувани, ова се само дел од скандалите во првите 100 дена а ги има уште толку.

Наместо ред имаме безредие, наместо одговорност имаме неказнивост, наместо ефикасна и професионална полиција Тошковски го врати ВМРО-МВРО на голема врата, рече на прес конференција Богданка Кузеска, портпаролка на СДСМ.

Би можело да ве интересира

СДСМ: Нови ценовни шокови за граѓаните, власта нема решение

(ВИДЕО) Филипче: Македонскиот јазик е нашиот идентитет и никој не може да ни го одземе

А1он

ВМРО-ДПМНЕ: Владата засилено работи за Македонија да биде најдобра по раст во целиот регион

(ВИДЕО) Филипче: Ако Делчев кажал дека сме поделени како нација, ние тоа го сведочиме и денес, повеќе од еден век подоцна

Горан Наумовски

Владата работи домаќински и континуирано на привлекување странски инвестиции, велат од ВМРО-ДПМНЕ

(ВИДЕО) Дали Венко Филипче му се восхитува на Заев за грабежот кој го направи?