Градоначалникот на Куманово Зоран Дамјановски објасни дека сите излези од Куманово се блокирани од МВР, во јавување во живо за телевизијата 24 Вести.
„Се наоѓаме на излез од Куманово. Седумстотини луѓе чекаат повеќе од 2 часа. Сите излези на Куманово се блокирани од МВР, се прават прегледи, еден час се чека за еден автобус да помине на технички преглед. Ова е невиден терор. Не само што се крши демократијата туку и правото на движење, до каде ќе оди оваа работа, луѓето се надвор, автобусите 45 минути до саат време на технички преглед. Ќе бидеме упорни и ќе дојдеме во Скопје иако целта е да не успееме“, рече Дамјановски.