Јапонската агенција за меѓународна соработка „Џајка“ донираше возило за кумановската болница. На денешнто примопредавање на возилото, директорката на болницата Снежана Захариева, изјави дека по завршување на правните процедури и регистрација, возилото ќе го користат вработените за транспорт на пациенти.
– Станува збор за возило кое ги исполнува светските стандарди, поседува целосна опрема за реанимација за пружање медицинска помош во тек на транспортот на пациентите, рече Захариева.
Додаде дека донацијата е добредојдена со оглед на фактот што кумановската болница го покрива целиот североисточен регион со приближно 200.000 пациенти.
Таа се заблагодари на донацијата и истакна дека очекува и понатамошна соработка со оваа агенција која и претходно донирала за кумановската болница.
Захариева потсети дека Агенцијата донирала и апарат анестезија со кој веќе се извршени 2017 операции.
Претставник на јапонската агенција, „Џајка“, рече дека донацијата ќе послужи за големиот број пациенти во овој регион. Од „Џајка“ претходно извршиле истражувања во однос на мигрантската криза и сфатиле дека овој регион е најпогоден, па затоа одлучиле да и помогнат на државата во сравувањето со мигрантската криза.