Кандидатот за градоначалник на Куманово од ВМРО ДПМНЕ, Зоран Ѓорѓиевски вчера попладне се сретна со жителите на с. Табановце.
Ѓорѓиевски на средбата вети дека во Табановце ќе се изгради канализациона мрежа, која е од особено значење за подобрување на квалитетот на животот во оваа област.
-Во наредните четири години ќе се потрудиме да ги обезбедиме сите услови за убав живот на младата популација, во оваа рурална средина. Во Куманово е планирана изградба на развојно-технолошка индустриска зона која ќе има поддршката од локалната власт и Владата и ќе овозможи намалување на стапката на невработеност -изјави Ѓорѓиевски.
Елена Георгиевска