Независниот кандидат за градоначалник на Куманово, Виктор Цветковски вечерва ги посети жителите на населбата Перо Чичо, при што вети изградба на пешачки мостови кои ќе ги спојат Гладно поле и населбата Перо Чичо, детска градинка, младински центар и пензинерски клуб.
-Во населба Перо Чичо не може да се пофали дека градот и државата вложиле многу. Инфраструктурата е на незавидно ниво, на секоја улица и фали по нешто. Ќе се посветиме секое семејство во Куманово да има вода, канализација, улица и тротоар. Улицата „Ѓуро Пуцар Стари“ започна да се прави некаде во јули минатата година, слушнав дека денес се донело тампон.
– Законот за спречување на корупција вели дека во изборниот процес не се работи ништо, но граѓаните знаат да препознаат кој чесно се претставува пред нив – изјави Цветковски.
Елена Георгиевска