Вчера околу 15 часот, на улицата „Христијан Тодоровски Карпош“ во Куманово, караница помеѓу двајца соседи прераснала во крвава тепачка.
До инцидентот дошло по расправијата меѓу сега повредениот 44-годишниот М.Р. и таткото на напаѓачот 64-годишниот Ј.Ј..
44-годишниот кумановец М.Р. е хоспитализиран во Ургентниот клинички центар, откако вчера бил избоден со нож, од синот на неговиот прв сосед информираат од полицијата.
Тој најпрво бил однесен во кумановската болница, но поради сериозноста на повредите бил префрлен на скопските Клиники.
Напаѓачот е во бегство и полицијата трага по него.