24-годишен жител на Куманово доби кривична пријава поради тоа што го пуштил кучето да нападне негова сограѓанка, соопшти полицијата. Жената, чија возраст не се открива, завршила искасана по рацете.
„СВР Куманово поднесе кривична пријава против Р.С.(24) од Куманово поради постоење основи на сомнение за сторено кривично дело „предизвикување општа опасност“,“ се вели во полицискиот билтен.
„Пријавениот, на 02.05.2021 во неговиот двор го пуштил неговото куче кое ја нападнало К.С. и ѝ нанело повреди на рацете“, додаваат од полицијата.